Ғасырлар бойы қалыптасқан кертартпа әдет-ғұрып пен мылқау күш, дүлей заманды айыптап өткен, Абай ойы, Абай философиясы өркендеп ғаламдық деңгейге жетуінің барысындағы оқиғалар, сахнада ұлы М.Әуезов драматургиясымен өткен ғасырға жол тартқанымен бүгінгі көрермен үшін де көкейкестілігін жоғалтқан жоқ.

Әселінен Ілиясты алыстатқан нендей сиқыр, нендей құдірет? Қойылымда сезім мен намыс сынға түсіп, «бастарына бейуақ бақытсыздық орнаған» жандардың өмірі баяндалады. Өмірде бір ғана жасалған ағаттықтың бағасы қандай болмақ? Әсел Нуриденнің сиқырын қайтарған Шолпандай бола ала ма? Сүйіспеншілік, адалдық, сыйластық, достық, көре алмаушылық, жауапкершілік, қамқорлық сынды тақырыптар қозғалатын лирикалық драмада нәзік сезім, ішкі мұң жатыр

Бұрынғы майдангер, бүгінгі қарапайым теміржолшы Едіге өзінің досы Қазанғапты соңғы сапарға шығарып салады. Темір жолда 44 жыл талмай еңбек еткен досының тірі кезіндегі аманаты бойынша сүйегін «Ана бейітке» жерлеу керек. Сертке берік Едіге осы аманатты орындау жолында талай кедергілерге жолығады. Дінсіз, ділсіз, қатыгез ұрпақты көріп, Едіге оларды мәңгүртке теңейді. Жуан-жуандар Жоламанды мәңгүрт етсе, бүгінгі қоғам жасаған мәңгүрт кімдер?..

Ағылшын драматургі  Рэй Кунидің бұл пьесасында сүттей ұйып отырған жас отбасының басына түскен қысылтаяң әрі күлкілі бір жайттың жай-жапсары, адам сенгісіз әсері суреттеледі.

Өткен уақытқа өкініш бар ма? Бәрі Алланың ісі. Қазақты қашан сыртқы жау алып еді… Ата-бабаның салтынан аттап шариғатты бұзған имансыз, ел естімеген сұмдыққа барған азғынды қазір болса да аяман. Өңешін өз қолыммен суырып алар едім. Алдағы сергелдең заман болжаусыз қара мұнар дәуірге өзімнің жұтылып бара жатқанымды анық сезем. Не амал бар? Шығар жол қайда?

Жұбайлар өмірінде сыр мен жырға, жұмбаққа толы сәттер көп кездеседі. Олардың арасында жазылмаған заңдылықтар мен ережелер болады. Ерлі-зайыптылар тұтастығы мен ерекшелігін сақтап қалуда жасалған әрекеттер махаббат заңымен ақталып, қолдау табады.

Әке-шешенің тері сіңген қарашаңырақта еш жерден кезіктіре алмайтын ғажап бір тәтті иіс бар. Сендер бұл иісті ұмытқалы қашан. Естеріңде болсын, әке-шешенің тері сіңген иіс сендерді бәле-жаладан, өсек-аяңнан қорғап жүреді.

Құрметті ханымдар мен мырзалар! Айдай сұлу Айманға, Шоқтығы биік Шолпанға Ғашық боп таласқан Әлібек, Арыстан бар. Көтібар, Теңге тағы бар. Қызықтың немен тынарын Көрермен өзі пайымдар...