Әселінен Ілиясты алыстатқан нендей сиқыр, нендей құдірет? Қойылымда сезім мен намыс сынға түсіп, «бастарына бейуақ бақытсыздық орнаған» жандардың өмірі баяндалады. Өмірде бір ғана жасалған ағаттықтың бағасы қандай болмақ? Әсел Нуриденнің сиқырын қайтарған Шолпандай бола ала ма? Сүйіспеншілік, адалдық, сыйластық, достық, көре алмаушылық, жауапкершілік, қамқорлық сынды тақырыптар қозғалатын лирикалық драмада нәзік сезім, ішкі мұң жатыр

Жұбайлар өмірінде сыр мен жырға, жұмбаққа толы сәттер көп кездеседі. Олардың арасында жазылмаған заңдылықтар мен ережелер болады. Ерлі-зайыптылар тұтастығы мен ерекшелігін сақтап қалуда жасалған әрекеттер махаббат заңымен ақталып, қолдау табады.

Әке-шешенің тері сіңген қарашаңырақта еш жерден кезіктіре алмайтын ғажап бір тәтті иіс бар. Сендер бұл иісті ұмытқалы қашан. Естеріңде болсын, әке-шешенің тері сіңген иіс сендерді бәле-жаладан, өсек-аяңнан қорғап жүреді.

«Вальс королі» атанған ұлы композитор қиялы нені аңсады, жаны неден күйзелді, неге құстай талпынды?! Айтулы ақын Серік Тұрғынбекұлы «Шәмші» атты туындысын текті туған дара дарынның ешкімге ұқсамайтын тылсым табиғатына үңілуге, жан сарайының психологиялық иірімдеріне мән беруге ұмтылған. Шынайы талант иесі қашанда қорғансыз, тіршілікке икемсіз екен. Шәмші деген төгілген ән-әуен ғой. Спектакль сарыны Шәмші әндері арқылы ашылады.

Парасат майданы» - адамның ішкі әлемі мен рухани құндылықтары туралы сыр шертетін психологиялық драма. Қойылым қазақ әдебиетінің классигі Төлен Әбдік шығармаларының негізінде («Оң қол» және «Парасат майданы») сахналанған.

Сіз бір әннің тағдырды өзгертетінін білесіз бе? Сіз бір әуеннің жүректі тербететінін сездіңіз бе? “Махаббатым сен” – махаббат пен өнердің тоғысқан шағы. Бұл – бір әуеннің ғұмырын баяндайтын қойылым. Әуен жүрекке қалай жетеді? Ол шынайы сезімнің жаңғырығы ма, әлде тағдырдың үнсіз сыбыры ма? Өнер адамдарының ішкі арпалысы, олардың жан дүниесіндегі құпиялар, шығармашылық жолындағы күресі – сізді күтпеген сезімдерге бөлейді. Бұл қойылым – өнерге, махаббатқа сенетін жандарға арналған.

Азаматын жоқтап, аза тұтқан ел. Баласынан айырылған ата. Сөйлер сөз де, айтар күй де бар - бірақ тыңдар құлақ жоқ. Шыңыраудағы шер мен тұншыққан үн. Темір кісенге телміре отырып, Күйші шері мен үмітін күйге орап жеткізгісі келеді…