ҰЛТТЫҚ ДОМБЫРА КҮНІ ҚҰТТЫ БОЛСЫН!

Барша қазақ елін Қалибек Қуанышбаев атындағы Қазақ ұлттық музыкалық драма театрының атынан ұлттық өнеріміздің символына айналған айтулы мереке - Ұлттық Домбыра күнімен шын жүректен құттықтаймыз!

Домбыра - халқымыздың рухани мұрасы, ұлттық болмысымыздың жарқын көрінісі. Қос ішектен төгілген күй бабалар үні мен кең даланың тынысы, қазақ рухының айнасы.

Ұлттық өнерді ұлықтап, дәстүрлі музыканың дамуына үлес қосу біздің кәсіби әрі азаматтық парызымыз.

Осынау мерейлі күні әр шаңырақта домбыра үні күмбірлеп, ұлтымыздың рухани байлығы мәңгі жасай берсін!

Құрметпен,
Қ. Қуанышбаев атындағы Қазақ ұлттық музыкалық драма театры ұжымы