Исабекова Бақыт Арғынғазықызы

Исабекова Бақыт Арғынғазықызы – 1959 жылы 17 қаңтарда Семей облысы, Аягөз ауданында дүниеге келген.

1976 жылы Семей облысының Баршатас ауылының орта мектебін бітірген.

1978-1982 жылдары  Алматы мемлекеттік көркем театр институтының актер бөлімін тәмамдады.

1982-1986 жылдары Абай атындағы Семей музыкалық драма театрында қызмет атқарды.

1990 жылы  «Қаламқас» ансамблінің белді әншісі болып, Венгрия елінде өнер көрсетті.

1991 жылы  елордадағы  Қалибек Қуанышбаев атындағы мемлекеттік академиялық қазақ музыкалық драма театрының алғашқы қойылымы Ғ.Мүсірепов «Ақан Сері – Ақтоқты» спектаклінде Ақтоқты рөлін сомдады.

 

Абай атындағы музыкалық драма театрында сомдаған рөлдері:

• М.Әуезов «Еңлік-Кебек» – Еңлік;
• Ғ.Мүсірепов «Қозы Көрпеш – Баян сұлу» – Баян;
• Б.Васильев «Зори здесь тихие» – Комелькова;
• Ә.Тауасаров «Махаббат неге оянбады?» – Махаббат;
• О.Сүлейменов, Б.Мұқаи «Заманақыр» – Мәлике;

Қ.Қуанышбаев атындағы мемлекеттік академиялық қазақ музыкалық драма театры сахнасындағы рөлдері:

Т.Әбдік «Біз үшеу едік» – Дариға;

М.Шаханов «Сейхундария» – Сейхундария;

М.Шаханов «Танакөз» – Танакөз;

Ғ. Мүсірепов «Қыз Жібек» – Жеңгесі;

М. Әуезов «Қара Қыпшақ Қобыланды» – Құртқа;

М.Әуезов «Қарагөз» – Ақбала;

М.Әуезов «Қанды азу» – Әже;

Ә.Тауасаров «Махаббат аралы» – Айна;

С. Балғабаев «Ең әдемі келіншек» – Гүлбаршын;

Ж.Файзи «Башмағым» – Бану;

Ә. Сарай «Балуан Шолақ» – Татьяна;

С. Ахмад «Келіндер көтерілісі» – Халима;

В. Дельмар «Баянсыз бақ» \драма\- Нэлли;

Ш.Айтматов «Ғасырдан да ұзақ күн» \драма\  – Үкібала;

Т.Ахтанов «Күшік күйеу» \комедия\ – Гүлжамал;

У. Шекспир «Ромео мен Джульетта» – Леди Монтекки;

А. Цагарели «Гамарджоба»  \музыкалық комедия\ – Текле;

А. Чехов «Ваня ағай» \драма\  – Мария Васильевна;

Қ. Жүнісов «Махаббат мелодрамасы» – Нұржамал;

Ж. М. Шевре «Ізгілік формуласы» \комедия\ – Тереза;

Б. Минору «Әзәзіл» \драма\ – Екінші әйел;

Ф. Оңғарсынова «Даланың күйші Динасы» \драма\ – Жантолы;

Ә. Тарази «Үкілі жұлдыз» \фарс-трагедия \ – Ай

А.Вальехо «Күн сәулесі түспеген» \психологиялық драма\ – Шешесі;

Халық ертегісі «Ер Төстік» – Анасы;

Ұ.Есдәулет «ЗЕРЕ» – Көкі Бәйбіше;

Ф.Оңғарсынова «Сенің махаббатың» – Фаризаның анасы;

А.Менчелл «Күзі іңір» («Сен маған керексің») – Люсиль;

 

Бақыт Исабековамен шығармашылық бірлестікте жұмыс істеген режиссерлер:

ҚР еңбек сіңірген қайраткері Жақып Омарұлы, Қазақстанның Халық артисі Қадыр Жетпісбаев, Халық Қаһарманы –  Әзірбайжан Мәмбетов, ҚР еңбек сіңірген қайраткері, Ерсайын Тәпенов, Қазақстанның Халық артисі Есмұхан Обаев, ҚР еңбек сіңірген қайраткері  Әлімбек Оразбеков, ҚР еңбек сіңірген қайраткері  Нұрлан Жұманиязов, ҚР еңбек сіңірген қайраткері Болат Ұзақов, ҚР еңбек сіңірген қайраткері Нұрқанат Жақыпбай, Қырғыз Республикасы Мәдениет саласының үздігі Ұланмырза Қарыпбаев;

 

Шәкірт кезеңінде Қазақ КСР Халық артистері – Ыдырыс Ноғайбаев, Кәукен Кенжетайұлы, Қазақстанның Халық артисі Рабиға Қаныбаева, Гүлжахан Жанысбаева сынды сахна майталмандарынан тәлім алып, шығармашылық бірлестікте болды.

 

Фильмдегі рөлдері:

• «Ұстаз» (2014), «Мұраға қалған махаббат» (2016), «Алтын ұя»

(2016), «Алжир» (2017) сынды фильмдер мен соғыс, ашаршылық тақырыбындағы деректі фильмдерге түсті. «Қанмен жазылған хат» деректі фильмінде басты рөлді сомдады. Халық Қаһарманы Әзірбайжан Мәмбетовтің 85 жылдығына арналған деректі фильмде әлемге әйгілі режиссердің анасының образын сомдады.

Марапаттары: 1984-1985 жылдары Венгрия, Болгария, Югославия,Чехия елдерінде өткен

«Қазақстан күндері» атты өнер сапарында өзінің зор үлесін қосты.

• 1995 жылы Қ.Мұхамеджанов «Біз періштеміз бе?» спектакліндегі

Асыл образы үшін  «Ең үздік әйел рөлі»  номинациясымен марапатталды.

• 1996 жылы Уфа қаласында Түркітілдес мемлекеттер арасында өткен

Халықаралық «Туғанлық» театр фестивалінде өнер көрсетті.

• 1999 жылы Египеттің Каир қаласында өткен Дүниежүзілік

эксперименталдық спектакльдер фестиваліне қатысқан «Қанды азу» қойылымында Әже рөлін сомдады.

• Түркменстан, Бішкек, Ташкент, Түркия, Ресей елдерінде бірнеше

мәрте гастрольдік сапармен өнер көрсетті.

• 2010 жылы қаңтар айында Иран Республикасы, Тегеран қаласында

Мәдениет Институтының ұйымдастыруымен өткен Фаджр атындағы Халықаралық театр фестиваліне үздік деп танылған Мұхтар Әуезовтің «Қарагөз» (Спектакльдің қоюшы режиссері – Халық Қаһарманы Әзірбайжан Мәмбетов) қойылымында Ақбала кейіпкерін кескіндеді.

• 2011 жылдың 10 қарашасында Қазақстан Республикасы

Президентінің Жарлығы бойынша «Қазақстан Республикасының тәуелсіздігіне 20 жыл» мерекелік медалін иеленді.

• 2011 жылы «Ерен Еңбегі үшін» медалінің иегері атанды.
• 2014 жылдың 15-18 мамыр аралығында Павлодар қаласында өткен

қайраткер, тұлға, жазушы Жүсіпбек Аймауытовтың 125 жылдығына арналған «Алаш Ардақтысы» аймақтық театр фестиваліне Бақыт Исабекова басты рөл – Ай бейнесін кескіндеген Әкім Таразидің «Люстра» шығармасының желісі бойынша сахналанған «Үкілі жұлдыз» фарс-трагедиясымен қатысып, Гран-при жүлдесін қанжығалады.

• 2017 жылы Мəдениет жəне өнер саласы қызметкерлері күні мерекесінде

еліміздің мəдениеті мен өнерінің дамуына қосып келе жатқан орасан зор еңбегі үшін Нұр-Сұлтан қаласы әкімінің атынан Алғыс хатпен марапатталды;

• 2017 жылы Қазақстанның еңбек сіңірген қайраткері құрметті атағы

берілді.