Афиша туралы ақпарат:

Қалибек Қуанышбаев атындағы Қазақ ұлттық музыкалық драма театрының Халық аспаптар ансамблі «Қоңырау соққан күз» атты концертін ұсынады.

Концертте ұлттық мәдени мұрамыз жаңаша бағытта өңделген қазақ елінің дәстүрлі музыкасы, қазақ халық күйлері мен әндері, ансамбль мүшелерінің жаңа туындылары орындалады.

Ансамбль қазақ ұлттық аспаптары Домбыра, Сыбызғы, Дауылпаз, Шаңқобыз, Шіңкілдек, Саз сырнай, Жетіген, Қыл қобыз, т.б. музыкалық аспаптарды жетік меңгерген әмбебап орындаушылардан құрылған.

Халық аспаптар ансамблінің репертуары көнеден қалған қазақ күйлеріне және заманауи авторлардың шығармаларына бай.