1940-жылдардағы Парижде өрбитін оқиғада корейдің алғашқы кәсіби әйел суретшісі На Хэ Сок пен Чеховтың «Шие бағы» пьесасындағы Раневская бейнесі тоғысады. Нақты тарихи тұлға мен әдеби кейіпкердің кездесуі тәуелсіздік ұғымын жеке адам тағдыры тұрғысынан терең пайымдауға мүмкіндік береді.
Қойылымда Қазақстан атынан Қалибек Қуанышбаев атындағы Қазақ ұлттық музыкалық драма театрының актері Асылбек Қапаев пен актриса Ақмарал Танабаева, сондай-ақ Ресей мен Корея театрларының әртістері өнер көрсетеді. Спектакль Корея Республикасының азаттық алғанына 80 жыл толуына арналған және Корея Республикасының елшілігі жанындағы Корей мәдени орталығының қолдауымен өтеді
