Қалибек Қуанышбаев атындағы мемлекеттік академиялық қазақ музыкалық драма театры  «27 наурыз – Халықаралық театр күні» мерекесіне орай, 2024 жылы наурыз айының 16-26 күндері аралығында «Қаллеки тынысы» атты спектакльдер шеруін ұсынады.

Елорда көрермендерін Қаллеки театр  өнерінің  үздік үлгілерімен таныстыру мақсатында өтетін шара аясында театр сарапшылары мен көрермен назарына 2022 жылдың наурыз айы мен 2024 жылдың наурыз айы аралығында жарық көрген премьералар көрсетіледі. Атап айтқанда, «Баян Сұлу – Қозы Көрпеш», «Хат», «Бала мерген», «Үйлену», «Қыз жиырмаға толғанда», «Кешкі…7», «Жошы хан», «Қыз Жібек», «Патша көңілім, не дейсің?!.».

Театр сарапшылары спектакльдердің толық талдауын жүзеге асырып, үздіктерді анықтайды. Көрермендер театр фойесінде арнайы анкетаны толтырып, дауыс беру арқылы үздіктерге қолдау білдіре алады.

Қатысушылар cарапшылар шешімімен «Үздік ер алам рөлі», «Үздік әйел рөлі», «Екінші пландағы үздік ер адам рөлі», «Екінші пландағы үздік әйел рөлі», «Үздік спектакль», «Үздік режиссер», көрермен таңдауы бойынша «Үздік Актер», «Үздік Актриса» «Үздік спектакль» сынды номинациялармен және арнайы дипломдармен марапатталады. Спектакльдер шеруінің салтанатты жабылуы 27 наурыз күні өтеді.                                                                                                                                                                                                                                                                                                                                                                                                                                                                                                                                                                                       «Қаллеки тынысы» спектакльдер шеруінің мақсаты – театрдың шығармашылық байланысын нығайту және театр мәдениетінің өзара іс-әрекетін ұжымдық бағытта жандандыруға ықпал ету; Соңғы жылдары жарық көрген премьераларды кеңінен насихаттап, сахна мәртебесін жоғары деңгейге көтеру, театрдың қоғамдағы орны мен адамзаттың рухани өсіп өнуіне тигізер ықпалын ұжым алдында зерттеу, зерделеу болып табылады. Актерлік өнердің кәсіби шеберлігінің шыңдалып, өркендеп өсуіне ықпал ету; театр өнерінің түрлері мен жанрларындағы үздік жұмыстарды анықтау және қолдау; заманауи театр үрдісінің негізгі тенденцияларын анықтау және театр өнерінің классикалық және заманауи мұралары арасындағы шығармашылық байланысты нығайту; елорда көрермендерін Қаллеки театр өнерінің үздік үлгілерімен таныстыру.

 

ҚҰРМЕТТІ КӨРЕРМЕН!

«Қаллеки тынысы» атты спектакльдер шеруі аясында театр фойесінде арнайы анкетаны толтырып, үздіктерге дауыс беріп, қолдау білдіре аласыздар!  Театр туралы әрқайсыңыздың пікіріңізді білу біз үшін өте маңызды. Театрда кездескенше