ҚҰРМЕТТІ ТІЛЕКТЕС УАХИТҰЛЫ!
Сізді асқақ та шежірелі 75 жас мерейтойыңызбен шын жүректен құттықтаймыз! Сізді орындаған рөлдердің ішкі жан дүниесінің қатпарларын, күрделі болмыстарын ашу жолында өте терең ізденістерге баратын, актерлік ауқымы кең, табиғи дарын иесі деп танимыз. Еңбек жолыңыздың бастауында-ақ әртүрлі жанрдағы бейнелерді шебер сомдап, театр әлемінде теңдессіз кейіпкерлерді молынан шығарып, өзіңізге ғана тиісті орныңызды ала білдіңіз.
Әйгілі театр қайраткерлерінің, атап айтқанда А.Тоқпанов, Ш.Жандарбекова, Ә.Мәмбетов, Е.Обаев сынды шеберлердің мектебінен өткен, қызмет еткен театрларына, дос-жарандарына, көрермендеріне, ең бастысы театр өнеріне деген адалдығығыңызбен, қуатты талантыңызбен, орындаушылық шеберлігіңізбен сыйлысыз, биіксіз. Соңыңыздан ерген жас артистер үшін үлгі боларлық мінез бен болмыс қалыптастырдыңыз. «Біздің ұлттық сахнамыздың бүгінгі биігі» деп айтса да артық етпейді.
Қазақ өнерінің дамуына қосқан толымды еңбегіңізге алғыс білдіре отырып, басыңызға амандық, деніңізге саулық тілейміз! Ел мәдениеті үшін етіп жүрген еңбегіңіз еселенсін! Мерейтойыңыз құтты болсын!
Құрметпен, Қаллекиліктер!
Құрметпен:
«Қалибек Қуанышбаев атындағы мемлекеттік академиялық қазақ музыкалық драма театры» РМҚК қабылдау бөлмесі:
«Маркетинг және қоғаммен байланыс бөлімі»
https://kaztheatre.kz/kz/ @kaztheatre
