Нұрланов Кеңес Әзімханұлы 1962 жылы 1 наурызда Қарағанды облысы, Ақтоғай ауданында туған.

1969-1979 жылдары  Ақтоғай совхозының орта мектебін бітірді.

1979-1983 жылдары Т.Жүргенов атындағы өнер институтын Халық артисі, Мемлекеттік сыйлықтын лауреаты, профессор Ш.Жандарбекованың сыныбынан кино және драма актері мамандығы бойынша бітірді.

1983 жылы  Қазақтың  Ғ.Мүсірепов атындағы Жастар мен балалар театрына қабылданды.

1993 жылдан бері Қазақтың мемлекеттік М.Әуезов атындағы  академиялық драма театрына ауысты.

1996 жыл ҚР Жастар Одағы сыйлығының иегері.

2006 жылы ҚР ерен еңбегі үшін медалінің иегері.

2007 жылдан елордалық Қ.Қуанышбаев атындағы Мемлекеттік академиялық қазақ музыкалық драма театрының шақыруымен қызмет атқарып келеді.

2012 жылы ҚР Тәуелсіздігінің 21 жылдығына орай «ҚР еңбек сіңірген қайраткері» атағын алды.

2014 жылдан бастап жыл сайын жас дарындарға арналған Қазақстанның еңбек сіңірген қайраткері, Қазақстан Жастар Одағы сыйлығының лауреаты Кеңес Нұрланов атындағы сыйақы тағайындалды.

         2016 жылы актер Фирс шалды кейіптеген А.Чеховтің «Шие» комедиясы Ақтөбе қаласында өткен Қазақстан  Республикасы  Мәдениет  және  спорт министрлігі ұйымдастырған ҚР  Тәуелсіздігінің  25  жылдығына  арналған  Қазақстан драма театрларының XXIV республикалық  фестивалінен  «Үздік спектакль» номинациясы иегері атанса, Қазақстан Республикасы Тәуелсіздігінің 25 жылдығына арналған Орта Азия  мемлекеттерінің «Қазақстан – Еуразия жүрегі» VI халықаралық Қазақстан  драма  театрларының фестивалінен Гран-При жүлдесін ұтып алды.

         2017 жылы Челябі қаласында (Ресей)  МАУ «Спартак балалар мен жасөспірімдердің кино-театр орталығы» өткізетін  «CHELoBEK ТЕАТРА»  V Халықаралық кіші форм театр фестиваліне  актриса Ақмарал Танабаева басты рөлді ойнаған А.Чеховтың «Шие» комедиясы Татарстан Республикасының Қазан қаласында өтетін Түркі халықтарының XIII «НАУРЫЗ» Халықаралық театр фестивальдерінен   театр сарапшыларының жоғарғы бағасын алды. Қоюшы режиссері –Якутияның еңбек сіңірген өнер қайраткері, Ресейдің ұлттық театрларының арасында өтетін «Золотая маска» сыйлығының иегері  Сергей Потапов.