15 қазан Қазақстанның еңбек сіңірген қайраткері, режиссер ЖАҚЫП ОМАРҰЛЫ дүниеге келген күн!

15.10.2025

Бүгін, 15 ҚАЗАН – Қалибек Қуанышбаев атындағы Қазақ ұлттық музыкалық драма театрының негізін қалаған режиссер, Қазақстанның еңбек сіңірген қайраткері ЖАҚЫП ОМАРҰЛЫ дүниеге келген күн!

🎞1990 жылы режиссер Жақып Омаров Целиноград ауданы – Ақмола облысында қазақ театры шаңырағын көтеріп, болашақ жаңа астананың қақ ортасынан ұлт драма өнерінің төл отауын салып берді.

1991 жылы 15 қарашада Жақып Омарұлы сахналаған Ғ.Мүсіреповтің «Ақан сері-Ақтоқты» трагедиясы театр шымылдығын ашты.

Жақып Омарұлы есімі, еңбегі, өзі қалаған киелі шаңырақ – Қалибек Қуанышбаев театрымен бірге, оның төрінде мәңгі жасай бермек!